彈出式自拍雙鏡 + 機背三鏡頭!大陸細廠出混血老翻

為了提升屏佔比,大陸手機廠商可謂各出奇謀,首先有小米將相機放在螢幕下方,及後出現水滴屏瀏海屏,今年年初 Vivo 還首創彈出式相機的 NEX S,不過他們的創意很快就被同行抄襲,版主虎仔並非指 OPPO,而是主打海外市場的細品牌 Elephone。 日前一幅宣稱是開發中的 Elephone PX 手機諜照在網上流傳,可以見到 Elephone 將 Vivo NEX S 的設計據為己用,不過相機彈出後出現了兩個鏡頭,而彈出的組件亦較 Vivo NEX S 大,彈出的位置亦稍稍不同,設在機頂中央位置。機身正面抄襲 Vivo,機背亦可見 OPPO Find X 的影子,採用垂直擺放的 3 鏡頭相機,一睇就知道設計師將華為 P20 Pro 的相機照搬。 暫時未知道 Elephone PX 的詳細規格,上市日期和定價;不少香港消費者對於大陸手機本身已經有點抗拒,遑論是細品牌的抄襲貨色,假如你真的有興趣,稍後 Google 一下肯定會找到入手途徑。 資料來源:gizmochina 立即加入Facebook 專頁,新聞/消息/優惠,最快知。

最令人期待的 iPhone 功能   唔係去除 M 字額,原來係呢樣!

在 Apple 宣佈在美國時間 9 月 12 日舉行發佈會後,傳媒 USA Today 向 1,665 名美國用戶進行了一項關於 iPhone 的問卷調查,雖然 iPhone XS、XS Plus 和 iPhone (2018) 的設計和功能,到了現在應該已經塵埃落定,但 USA Today 仍然希望了解網民最期待的 iPhone 功能是什麼? 如果網友跟版主虎仔一樣,以為美國的消費者希望 Apple 停止使用 M 字額螢幕,你可能會大跌眼鏡。雖然 iPhone X 發佈初期備受批評,但及後不少 Android 手機都跟風,令 M 字額螢幕接受程度大增,今次調查表示希望 Apple 改變…

品牌首部全片幅無反!Canon EOS R 下月上市賣 $17,480

早前版主虎仔分享過 Canon EOS R 的諜照,話咁快 Canon 就正式發表了這部品牌首次的全片幅無反相機。隨 EOS R 發表的,還有 Canon 全新的 RF Mount 接環、4 款全新鏡頭和一些轉接器。Canon 反應似乎較早前發表全片幅無反的 Nikon 快,已經同時宣佈相機會在 10 月 9 日於香港上市,Body 的定價為 HK$17,480。 Canon EOS R 配備 30.3MP CMOS 全片幅感光元件,搭配和 M50 相同的 DIGIC 8 影像處理器,EOS R 擁有 100…

中興大陸發威!旗艦 Nubia Z18 大玩 AI 屏佔比 91.8% 

月初舉行的 IFA 2018,中興發表了針對國際市場的 Axon 9 Pro,雖然擁有旗艦級規格,但無論外形設計、功能還是定價都不似預期,結果被外國傳媒批評得體無完膚。不過回到大陸市場,中興則以不同面貌和產品示人,新機 Nubia Z18 有旗艦級規格之餘,定價仲平易近人。 昨日在北京發表的 Nubia Z18 擁有 6 吋水滴形螢幕(有網民稱為美人尖),解像度為 2,180 x 1,080,即 18 : 9 比例,中興以「無邊水滴屏」稱呼,手機的上面和左右的確做到極窄邊框,但螢幕下方還是有一個小下巴,雖然如此,屏佔比還是高達 91.8%,而且屏幕已 Gorilla Glass 強化玻璃覆蓋。   在支付罰款和改組後,中興終於可以跟美國企業做生意,於是 Nubia Z18 亦配備最新的 Snapdragon 845 處理器、8GB RAM 和 128GB 儲存。中興亦引入了自家人工智能,擁有深度機器學習能力,能夠同時支援Caffe、Pytorch、TensorFlow 和其他訓練關卡框架,令手機的自我學習能力提升接近 200%。…

唔使再俾長輩圖騷擾!WhatsApp iOS 版新增圖片預覽

如果網友的 WhatsApp 群組有喜歡 Send 長輩圖的家人,你的手機不時會見到 WhatsApp 的訊息通知,不過 iPhone 的通知欄只會顯示一個相片 Emoji,用戶無法知道是重要事情還是無謂長輩圖。WhatsApp 剛剛推出了更新,正好解決了上述情況帶來的不便和麻煩。 WhatsApp iOS 版新增的媒體預覽功能,讓用戶毋須打開 WhatsApp,直接在通知欄就可以預覽相片或影片。假如你的 iPhone 支援 3D Touch,只要按實訊息通知就會顯示收到的媒體,不喜歡 3D Touch 的話,在訊息通知向左滑亦會見到媒體的預覽。假如用戶平時將自動下載功能關閉,更新後,WhatsApp 還容許用戶在通知欄將相片或 Gif 下載到相簿。 此外,為了減少假新聞透過 WhatsApp 散佈,更新還加入可疑鏈結識別功能,假如發現有問題的鏈結,會向用戶和收信人作出提醒,這功能則在所有版本的 WhatsApp 通用。 資料來源:wabetainfo 立即加入Facebook 專頁,新聞/消息/優惠,最快知。

大量!唔使炒!網民教路買正價華仔演唱會飛

最近城市電腦售票網俾人鬧爆,唔少人想買演唱會飛,但呆坐喺電腦前不斷嘗試都買唔到,但黃牛飛就炒到痴線。其實除咗劉德華演唱會受歡迎,新加坡歌手 JJ 林俊傑稍後都會喺香港開騷同樣係好多粉絲追捧。有網民喺網上分享,原來想用正價買華仔同 JJ 嘅演唱會飛其實唔難,想知道點樣用正價買兩位巨星嘅演唱會飛?跳轉睇下啦! 蔡楓華都係華仔喎!買飛 Joe Junior 仲唔係 JJ!買飛  

售價破萬!頂級 HD PENTAX-D FA★50mmF1.4 SDM AW鏡頭上市

RICOH PENTAX 宣佈推出 HD PENTAX-D FA★50mm F1.4 SDM AW 鏡頭。這款大光圈、定焦標準鏡頭是 PENTAX Star(★)系列鏡頭的最新型號。為研製這款新鏡頭,PENTAX 全面審視了為其最頂級 Star 系列鏡頭制定的內部標準,以為各項偏差提供最大補償。在設計鏡頭時,PENTAX 還銳意確保鏡頭能適用於所有相容相機上,包括新一代數碼單反相機。新鏡頭提供上佳的影像處理能力,從像場中心至邊緣都具備非凡解像能力,即使在光圈全開下亦然。新鏡頭配備 PENTAX 原創的鏡頭塗層技術,包括可確保極低反射系數的最新 Aero Bright Coating II,以及高級 HD 塗層,確保拍攝到沒有耀光及鬼影的超清晰、高對比度影像。鏡頭配備防塵、防風雨構造,適合在極端戶外環境進行拍攝。   配備 F1.4 最大光圈的新一代 Star 系列鏡頭 高效能 Star 系列鏡頭透過將多項偏差補償至最低水平,提供具中心至邊緣清晰度的超清晰、高對比度影像。新推出的鏡頭則是該系列的新一代型號。PENTAX 對 Star 系列標準進行全面審視後,設計了此款鏡頭,大幅提升解像能力,以便日後用於下一代相機。新鏡頭即使在全開光圈情況下,亦能提供超高影像處理能力,更支援散焦效果,以及在近距離攝影時達到影像再現能力。這款大光圈標準鏡頭是新一代 Star 系列鏡頭的首個型號,它支援 F1.4 最大光圈,這在不同攝影場合拍攝不同景物都能大派用場,例如將背景散焦的人像攝影,以及在室內場景進行手持式拍攝等。 …

見到呢個價,版主瘋了!256GB 紅色 iPhone 四千幾入手,可遇不可求!

版主寫呢篇文章的時候,真心好激動!我唔知呢個優惠吸唔吸引到網友,但對於我來說,以下呢個消息,就好似我中咗六合彩般,令我突然處於極興奮的狀態。到底係乜嘢優惠,令到我咁激動?原來,版主搵咗好耐嘅紅色 iPhone 7,居然突然喺網絡商重新現身!而且四千幾蚊就可以買到 256GB,大佬,仲抵過 128GB 版本呀!你話係死貨又好,點都好,我係真心鍾意呢部手機,真係好想入手,而且呢個價都算合理!睇文先啦! 唔少網友日日都有睇版主文章,都知道我寫得最多嘅,就係手機減價、著數、優惠等等,而尋日我諗住上 csl. 淨機激賞價頁面,睇下有乜手機減價,突然俾我見到,iPhone 7 256GB 居然賣緊 $4888。但喺果個 Moment,我係相當懷疑,點解,原因就係當我撳去網上商店嘅時候,係見唔到有呢個 offer。因為懷疑,於是乎我就決定,直接去 csl. 門市問下,係咪真係呢個價,同埋係咪真係有貨。 而版主去到旺角西洋菜街的 csl. 分店問,居然俾我問到,真係仲有貨,而且最驚喜嘅係乜,最驚喜嘅就係居然剩返紅色,而唔係其他顏色。紅色呀!!!iPhone 7 紅色我真心搵咗好耐,周圍都話無貨,而我甚至去過先達問過,128GB 二手都要成四千幾蚊 (其他顏色平啲),而家 csl. 居然只係 $4888 就買得到,比起官網 128GB 還要便宜,雖然話就話 256GB 一早斷咗貨,但我覺得真係算抵。 點算好呢,版主我真心好想買 (呢篇文章講咗好多次…… 可見我果種激動),但版主 Keith 就覺得我都有咁多手機用,無謂浪廢錢去買舊代 iPhone 啦~ 不過,我自己又咁睇,呢部機就如同我嘅夢想一樣,堅持咗咁耐,周圍搵咗咁耐,而家終於搵到呢個機會,四千幾蚊仲要係…

三星 CEO 親口承認   摺機 Galaxy X 年底前推出

傳了好幾年的摺合式設計智能手機,原以為還要等到 2019 年才面世,不過最新消息指今年內就會上市。Samsung CEO 高東真早前接受 CNBC 訪問時,親自確認「是時候推出」摺合式智能手機,又表示消費者調查顯示市場有空間接收這全新的設計。 高東真在訪問中提及摺合式設計的好處,他指在摺合狀態下,用戶可以用到絕大部份功能,當用戶會要瀏覽或觀看一些東西,只要把手機攤開就可以。他又說如果把手機攤開後,用戶體驗跟平板一樣,消費者為什麼要購買?所以每一款裝置、每一項功能、每一樣創新都應該給予顧客一個實用的意義。當用戶使用摺合式手機時,他們會對 Samsung 的創新感到驚訝。 高東真未有進一步透露 Samsung 的摺合式手機詳情,但他指今年 11 月舉行的 Samsung Developer Conference 會有更多手機相關的資料公佈。之前有傳聞指 Samsung 的新款摺機會在 11 月投產,售價將會高達 2,000 美元(折合 HK$15,698),為了令摺機熱潮更盛,Samsung 亦已經向其他品牌提供可以摺曲的螢幕,方便他們進行設計和開發。 資料來源:xda-developers 立即加入Facebook 專頁,新聞/消息/優惠,最快知。

支付寶火拼 WeChat Pay!香港開無人商店,著數齊齊睇

點解唔用現金?相信好多人覺得最緊要方便,當幾乎間間舖頭都收八達通﹑信用卡﹑EPS,仲要開著部手機開埋個 App 嘟 QR Code 嘅支付寶與 WeChat Pay,要用佢,立減五蚊﹑十蚊少不了。呢兩間中國大陸人人都用嘅流動支付工具,係香港大力推介「無人店」,即係裡面只有貨與電腦,就係無真收銀員,課金指定要用支付寶 HK 與 WeChat Pay!好似之前咁講,有無立減,有無著數?   買一百即減 $20 首先係 WeChat Pay,係旺角家樂坊,「零食物語」開設首間「無人零食物語」體驗店,裡頭好實際,就係賣零食!不過,裡頭是無店員嘅,你要入去買嘢,仲一定要有 WeChat Pay 戶口。呢間無人舖,採用中國大陸 EasyGo 技術,透過射頻識別(RFID)方法及其專利感應支付,智能感應及結算商品。首先要用 WeChat Pay App 開門入去無人店 Shopping,揀晒零食,利用微信支付香港版 WeChat Pay 完成付款程序後,門便會自動解鎖,放你走。呢間店採用 Pop Up 性質,只會開到 9 月 25 日。 …