【iOS 實用教學】免第三方 App!教你輕鬆用 iPhone 拍出長曝光相片
有不少香港人都有用 iPhone,用 iPhone 最好的地方,就是操作簡單,尤其是相機方面,就算一個完全無學過影相的人,都可以用 iPhone 隨手影到靚相,而且還內置人像模式、夜間模式、原況相片等等。但好多人未必知道,唔需要安裝任何第三方 App,你都可以拍攝到長曝光相片!而呢篇文章入面,版主教你! 甚麼是長曝光照片? 簡單嚟講,就係當拍攝嘅時候將快門速度降到好慢,而長曝光可以將一個普通嘅場景變成藝術傑作,尤其是當張相入面有水嘅時候,例如噴水池、瀑布等等,使用長曝光可以有一個魔力,可以將水拍出平時肉眼見唔到嘅效果。同時,拍攝天空、星空,甚至人群等等,都可以透過長曝光,拍出意想不到的效果。 以上係相機層面嘅長曝光,但 iPhone 似乎可以用軟件來做到相近效果。 如何在 iPhone 上輕鬆拍攝長曝光相片? 1. 打開相機。2. 按右上方的按鍵,啟動原況相片 (Live Photos)。3. 對準你要拍攝的風景,讓手機靜止幾秒鐘。4. 如常地單擊快門按鍵。5. 在 iPhone 上打開「相片」App,去返你剛剛影完那張原況相片。6. 左上方會有個按鍵,你會見到寫住「原況」,有個箭嘴畀你選擇模式。7. 選擇「長時間曝光」,你的相片就會秒變一張長曝光照片。 普通 VS 長曝光