Nokia 輸了!$100 有找!呢部 Jio Bhara 手機 睇片、手機付款都做到
亞洲其中一間最大嘅電訊公司推出咗一款新手機,目標係想說服當地以億計嘅消費者升級去 4G。呢部 Jio Bharat 只需要 $93 港幣!係 100 蚊有找呀,Nokia 嘅平價手機都唔可能賣咁平。令佢成為現時全球最平嘅 4G 手機!平還平,但佢可以睇片,仲可以做 Mobile Payment,係咪好痴線呢? 唔係智能手機 喺技術上,佢唔係一部真正嘅智能手機,因為佢唔運行主流嘅手機操作系統(例如Android),但係 Jio Bharat 擁有部分智能功能,包括處理 Mobile Payment 流動支付能力(透過 Reliance 支援嘅 UPI )以及透過 JioCinema 同 JioSaavn 睇片及聽歌。不過,就冇 Facebook,WhatsApp….