繼數碼通、香港寬頻 CMHK 宣佈豁免日本漫遊數據費用

呢排全人類都好關心嘅,當然就係日本的天災,而版主 Keith 都有跟大家分享過,因為都明白有唔少香港人去咗日本,所以數碼通、香港寬頻都相繼宣佈咗關於日本漫遊數據收費的新安排。而今日,中國移動香港 CMHK 亦都發出新聞稿,表示佢哋都會有所行動。到底佢哋又點安排呢?睇下文啦!   以下為中國移動香港 CMHK 的新聞稿內容: (2018年9月8日,香港)中國移動香港用心待客,關注到近日旅客因大阪颱風吹襲及北海道地震影響而滯留日本,中國移動香港即日宣布豁免客戶由2018年 9月7日至9月10日在日本使用的漫遊數據用量收費 ,方便客戶透過流動網絡與親朋好友保持聯繫。 中國移動香港亦會發出短訊通知身處日本的客戶有關上述安排。  立即加入Facebook 專頁,新聞/消息/優惠,最快知。

打小米 Max 3!二千頭入手 7.12 吋巨芒 + 五千核電手機

早前小米部 Max 3,確係有點吸引力,$1999 就有 6.9 吋巨芒,有 5500mAh 核電,版主試用過,以這個價位來說,體驗係順暢嘅,真係要數缺點,只能說 MIUI 真係無佢講咁好用,同埋喺陽光底下,好難睇到內容。當然,無 NFC 亦都係一個不足之處吧。而近日,有一部華為推出的手機抵港,擺明就係打小米 Max 3,二千頭就可以入手,你又會唔會考慮呢?睇下文啦! 記得小米 Max 3 剛開賣的時候,見到網友的心聲是:完全被華為 Honor Note 10 秒殺。見到呢啲留言,版主果刻覺得好無奈,一部係三千幾蚊價位嘅手機,一部係二千蚊價位嘅手機,個價都爭咁遠,好難咁比喎。如果講到比較直接的對手,應該係呢兩日抵港的 Honor 8X Max,人民幣賣價由 1499 元起跳,折合港幣約 $1720,而水貨已經抵達旺角先達,4GB + 64GB 版本第一水賣價為 $2180,而 4GB + 128GB 版本則賣 $2480。呢個價,網友又點睇呢? 其實版主又估唔到,呢部 Honor 8X…

升級換錶有理由!Apple Watch Series 4 賣點曝光

由第一代 Apple Watch 到現在第三代 Series 3,這款 Apple 的智能手錶在外形設計幾乎沒有改變,就算功能亦差不多。早前有傳聞指下星期發表的 Apple Watch Series 4,在錶身尺寸和設計依然不會有重大改變,雖然如此,但仍然有讓舊錶用家升級換新的理由。 首先傳聞指 Apple 為 Series 4 改用窄邊框螢幕,在相同尺寸的錶身會有更大的螢幕,用戶就可以睇得更清楚。與此同時,有外國傳媒在 watchOS 5 Beta 版的程式碼中發現,Series 4 的螢幕解像度將會提升至 384 x 480,較 Series 3 的 312 x 390 高。新的 Apple Watch Series 4 有大芒和高解像度,就可以顯示更多資訊,事實上,網上亦流傳一封全新的 Watchface…

3.3 吋細芒 Palm 手機諜照流出,舊電咁細點夠用?

相信不少 30 歲以上的網友,對於 Palm PDA 和智能手機還有印象,版主虎仔就是由 Palm 開始走上喜愛數碼產品的路。喜愛將舊品牌鹹魚翻生的 TCL,據說會在今年內重新推出 Palm 品牌的智能手機,第一部登場的手機並非走商務路線,而是一部反潮流的 3.3 吋螢幕迷你手機。 早前版主經已分享過這款 Palm PVG100 手機的諜照,現在網站 Android Headlines 取得了更加清晰的版本。市場上的 Android 手機螢幕越來越大,有細芒手機可供消費者選擇本是好事,就算規格盛傳為 720p 3.3 吋螢幕、Snapdragon 435 搭配 3GB RAM 和 32GB 儲存,只要採用合適的系統,例如 Android Go,使用體驗相信不會太差。 不過有傳 Palm PVG100 只配 800mAh,如果屬實,這確實令人憂慮電池能否支撐一日的使用量。每當提起細螢幕手機,很多人都會提到 2010…

低處未算低!原來紅色 iPhone 網店買 仲平 + 免運費

早幾日版主就講,我尋覓已久的紅色 iPhone,突然在 csl. 平價現身,而版主當時仲問過旺角分店,店員同我 check 過電腦話仲有少量貨,怪我想買但太猶疑,收工狗衝打算去買,卻同我講已經被人 Hold 住,實在令我感到很失望。而想不到剛剛有朋友教咗我一個方法,可以用更低的價錢,入手呢部 256GB 紅色 iPhone,版主得知後不再猶疑,唔理三七廿一,敗咗再講。想知點買,睇下文啦! 版主很明白,一定會有網友認為,四千幾買舊代 iPhone 7,唔抵。但,可能正正因為,這就是愛呀!點解明明 iPhone 8 都有紅色,點解明明我有 iPhone X 用,但我都堅持係買 iPhone 7 呢? 唔揀 iPhone 8 原因:雖然都係有紅色,但玻璃面顯得很奇怪,講紅色都係 iPhone 7 果種靚啲,再加上 iPhone 8 同 iPhone 7 相比,升級不是太多,而我又無話一定要用無線充電,所以就算平時問我,我都會答網友買返 iPhone 7 好過 iPhone…

滯留日本網友注意!數碼通、香港寬頻免日本漫遊費用安排

所謂好心有好報! 日本人出名對遊客好,當佢地有天災,香港人都會多一份同情,你估係成日惡形惡相,成日嚇香港人嘅大國咩!網絡商好明白大家嘅心情,亦好明白好多香港人去咗日本,係風災之後,數碼通與香港寬頻推出日本漫遊數據收費新安排,怎樣說也是好事來。   HKBN Global Phone及香港寬頻 Wi-Fi 蛋用戶額外環球數據用量收費 鑑於日本近日發生天災,以致部份港人因滯留日本而需要額外環球數據用量或未能如期歸還香港寬頻Wi-Fi蛋,香港寬頻宣佈豁免Global Phone月費用戶於 2018 年 9 月 1 日起至 2018 年 9 月 20 日期間,在每月指定環球數據用量外於日本使用的額外數據用量收費。另外,香港寬頻也會豁免在上述期間未能如期歸還於日本使用的香港寬頻Wi-Fi蛋裝置所需繳付的遲還租金。 Global Phone月費用戶(個人客戶)只需致電客戶服務熱線 128-100,及提供從日本任何地區返港之登機証或相關証明,即可獲豁免額外環球數據用量收費。香港寬頻Wi-Fi蛋(個人客戶)可於指定香港寬頻專門店退還香港寬頻Wi-Fi蛋時,出示從日本任何地區返港之登機証或相關証明,即可獲豁免繳交因在上述期間延遲退還裝置而產生的遲還租金。企業方案客戶則可致電客戶服務熱線128-180以進行有關費用豁免手續。  數碼通免三日日本漫遊日費收費 有鑑於日本交通受颱風吹襲及地震災害嚴重影響,SmarTone將豁免客戶由 2018 年 9 月 6 日 於日本當地使用漫遊數據日費計劃的 3 日費用,方便大家保持聯繫。SmarTone 客戶如有疑問,請隨時透過Facebook Inbox (https://www.facebook.com/smartone)…

好樣衰!小米 Mix 2S 扮 Poco F1 拍攝!小米高層被爆造假

早前全球上市的 Pocophone F1,因為有 SD845 處理器和雙鏡相機但定價超平,成為不少網民的談論話題。不過正如版主 Keith 所講,Poco F1 少不免將貨就價,功能及不上售價較高的高階旗艦屬意料中事,偏偏有小米高層為了力谷 Poco F1 的拍攝能力而在 IG 公然造假,最樣衰係被網民「考古」踢爆。 日前小米高層 Donovan Sung 在個人 IG 帳號上載了一幅宣稱用 Poco F1 拍攝的相片,點知有眼利的網民在 Donovan 的 IG「考古」,發現同一張相片在今年 4 月已經貼過一次,當時相片的左下角還附有「Shot on MI Mix 2S」的水印。明顯地這位小米高層將 Mix 2S 的相片水印移走和加上濾鏡,再上載至 IG 扮係 Poco F1 拍攝的相片。…

聯想、小米惡鬥!Lenovo Z5 Pro 小米 Mix 3 撞樣?

日前版主虎仔分享過疑似小米 Mix 3 的影片,手機採用滑動式設計,用戶將螢幕向下滑就會見到自拍鏡頭。想不到相同的設計竟然出現在 Lenovo 的手機之上,上星期聯想副總裁常程在微博上載了一條影片,當中的手機採用了滑動式設計,現在這部手機的真身終於現身。 之前常程公開的影片頂多只是電腦動畫,現在卻是貨真價實的真機拍攝。雖然無法判斷手機的真偽,但影片中的 Lenovo Z5 Pro 採用的是 Lenovo 的介面,而非日前流出小米 Mix 3 的 MIUI 介面。暫時未知道 Lenovo Z5 Pro 的具體規格、發表日期等資料,但在片段中見到手機配備了屏幕指紋辨識。 [embedded content] ▲  Lenovo Z5 Pro 一下子相同的手機設計同時出現,究竟是 Lenovo Z5 Pro 和小米 Mix 3 巧合撞臉,還是另有內情?10 月底、11 月是大陸手機品牌的新機發表旺季,可能要等到兩款手機分別發表才有答案。 [embedded content] …

規格曝光!焗買 Pro 版!華為 Mate 20 同 Pro 差咁遠?

將會在 10 月 16 日於倫敦舉行發佈會的華為 Mate 20 系列,一如上一代會推出多個型號,早前已經率先發表了中階的 Mate 20 Lite,至於高階的 Mate 20 和頂級的 Mate 20 Pro 就要再等多一個月,不過日前有關這兩部手機的一些規格資料已經提前曝光。 有外國網站就取得了兩款手機的 User Agent 資料,發現 Mate 20 Pro 將會擁有更高解像度 3,120 x 1,440 和更大的 6.9 吋大螢幕,至於 Mate 20 的螢幕尺寸則為 6.3 吋,解像度亦只得 2,244 x 1,080。兩款手機相信都會配備相同的…

Fitbit 用戶留意!手機升級食 Pie 有排煩

手機彈出系統升級通知,好多時用戶都會二話不說馬上升級,先不說新系統是否有「鑊氣」,帶來無法估算的問題,現時手機連接的配件和裝置不少,隨時會出現無法兼容的問題。自 8 月中開始就有 Fitbit 產品用戶在官方討論區留言,表示手機升級至 Android 9 Pie 後無法正常同步。 Fitbit 官方發聲明表示已經得悉狀況,但暫時沒有軟件更新提供,呼籲用戶將 Fitbit App 更新至最新的 2.76.1 版本,可惜的是用戶表示這版本並未能解決裝置無法同步的問題。幸好有部份用戶發現可行解決方案,就是打開 Fitbit App 和開始同步過程,在畫面出現「Looking…」時迅速切換到藍牙設定頁面,然後點選「配對新裝置」,然後再切換到 Fitbit App,如果用戶幸運的話就能夠完成同步。 不過上述方法並非所有用戶都能成功,有些試了很多次後最後成功將 Fitbit 裝置和手機連接。如果你是 Fitbit 裝置的用戶,恰巧又收到 Android 9 Pie 的系統升級通知,或者應該考慮是否更新,或者等待 Fitbit 先提供解決方案後再作更新。 資料來源:androidcommunity 立即加入Facebook 專頁,新聞/消息/優惠,最快知。